Heyva Sor a Kurdistanê destê alîkariyê dirêjî Bakurê Kurdistanê kir

Ji ber êrîşên hêzên dewleta Tirk li dijî gelê sivîl yê Bakurê Kurdistanê, Sazîya Alîkariyê Heyva Sor ji bo pêwîstiyên welatîyan, ket nava tevgerê.
Heyva Sor a Kurdistanê, weke gava ji bo xelkê Cizîr, Sûr, Silopiya, Nisêbin, Kerboran û Farqînê pêşî 328 hezar Euro alîkarîya madî şand.
Ji ber êrîşên hêzên dewleta Tirk, heta niha bi sedan sivîl jiyana xwe ji dest dane û bi deh hezaran kes jî ji ber dijwariya êrîşan neçar mane ku cih û warên xwe berdin. Tevî rewşa kambax ya jiyana welatîyan jî, heta niha ti saziyên mirovahî destê alîkariyê dirêjî welatîyan nekirin.
Heyva Sor a Kurdistanê weke saziya alîkariyê nekare li hemberî vê rewşê bê deng bimîne û di nava demeke kurt de dest bi hewldanên komkirina alîkariyê bike.
Heyva Sor a Kurdistanê weke gava pêşî ji bo piştgirîya xelkên Cizîr, Sûr, Silopiya, Nisêbin, Kerboran û Farqînê 328 hezar Euro alîkariya madî şand û ev alîkarî bi hevkariya Meclisên van herêman li welatîyan tê belavkirin.
Saziya me bang li Kurdên Ewrûpayê dike ku destê alîkariyê dirêjî Cizîr, Silopî, Sûr, Kerboran û Nisêbînê bikin.
Heyva Sor a Kurdistanê di Kongreya 24’an de biryar dabû ku hemû derfetên xwe ji bo piştgirîya gelê Bakurê Kurdistanê bikar bîne.